Monday, July 16, 2007

حكاية يوم مع الاخوان في قاعدة عسكرية


مش عاوز اكتب
الي حصل
بس علي العموم الجلسة الثالثة لمحاكمة قيادات الاخوان
المسلمين عسكريا
تأجلت الي 5/8/2007
والتغطيه نزلت بالانجلزي علي اخوان ويب وبالعربي انسي اخذتها من اجي برس

لكن خلينا في الصور
ومش هقول ان اخوان اون لاين خدت صورة من
الصور الي صورتها
ومقلتش المصدر
عادي يا عم عادي


طبعا احنا دخلين قاعدة عسكرية

وعلي اول بوابة ايوب

دبابة من بتاعة العيال

لكنها ملك للجيش


لكن الجيش مش كل حاجة ملكه

الامن المركزي برضة عنده دبابته



وبما اننا في منطقه عسكرية

اذن فممنوع التصوير

في حد فاهم الصورة ده
؟؟؟



المحامين وقفين في طابور الكارنيه


خدوا الكارنية مش كلهم

بوستر قديم قوي
مش مهم صورة وخلاص


ناس تعبوا من الشمس




ناموا



وبيشخروا


وبيركبوا مراجيح
تعمل اية القوات المسلحة اكتر من كدة


والي اللقاء في صور رخمة زي الي فوق في محاكمات الاخوان
المدنين
وتصبحوا علي خير

بس علي فكرة انا عاوز اشكر ادارة كافتريا البواسل بجد
يعني ناس خدمتهم افضل ما يمكن والاسعار كويسة جدا






Thursday, July 12, 2007

خبر وفاتي والنعي

بجد لو حد شفني الآن هيقول الواد ده مجنون
خالي حبيب قلبي واعز خال من خلاني لي
الي ربناني وبحبة حب ربنا وحده اعلم بية
خالي يسري مات الحمد لله انه متعذبش كتير مع المرض والحمد لله لأنة _ نحسبه علي الله _ انه كان مصلي وقاري للقران

ومع ذلك ماشي عمال اضحك في الشارع
أسد كلمني فقولت بيعزيني
تمام لقيتة بيقول لي
هو أنت كويس
قولت الحمد لله

قالي بس في خبر مش حلو انك أنت الي موت

أنا فعلا موت علي نفسي من الضحك

أنا موت
كنت هموت بقي و أشوف النعي بتاعي يعني مكتوب فيه أية

لقيت الأستاذ وائل عباس كاتب نعي
توفي إلى رحمة الله حسام هندي صاحب مدونة شاويش http://www.shwash. blogspot. comتقبله الله في فسيح جناته حسام كان مدون مجتهد ومصور واعد وكانت له بصمة في تغطية محاكمة أيمن نور وغيرها من الفعاليات لكن لا راد لقضاء الله
وائل عباس

زعت قوي

عارفين لية

انا مش مدون قوي بحب الناس تقول علي صحفي

عارفين إسماعيل يس

لما بيموت ويقوم يقول لا انا عاوز جنازة شكلها كذا

انا بقي زعت قوي من النعي


بس يا مدونين علي العموم

انا هنتقم منكم في صفحة بعملها عن المدونات أن شاء الله في مجلة ستصدر قريبا مش هقول اسمها الآن
بس

هستغلكم فيها يا طاهر أنت ووائل

وعلي فكرة والله مش زعلان لا من طاهر ولا من وائل خالص

والحمد لله ان الواحد طلع مهم
هههههه

وانا عايش الحمد لله ونحمد الرب

Tuesday, July 3, 2007

قضية نور وصرخات ام احمد مظلوم

يوم حافل في مجلس الدولة

لكن في نهاية الأمر
تأجلت كل القضايا التي كانت معروضة
قضية البهائيين
الإنباء مكسيموس
قضية ايمن نور واحمد مظلوم حجزت للحكم
قضية دار الخدمات النقابية
قضية جورج حبيب بباوي
قضية واحد معرفش بتاع اية اسمة هابيل بس شكلها مهمه
بيقولوا عاوز يعمل طائفة مسيحية جديدة

بس المهم
قضية نور لم تأجل ولكن حجزت للحكم يوم 31/7/2007
وهيئة الدفاع اعتبرت أن الأمر أنجاز كبير جدا
كما قال رئيس هيئة الدفاع الأستاذ أمير بسام من الجيد أن حجزت قضية بعد اسبوعين في دائرة مجلس الدولة قضية بمجلس الدولة تحفظ للحكم
بعض الصور المهمة
والاهم قيديو حالة انهيار لام المسجون احمد مظلوم
بعد أن قالت جميلة اسماعيل ان الطب الشرعي ارسل طلب للاطلاع علي التقرير الطبية يوم 10/7/2007 اي بعد معاد جلسة اليوم
انهارت ام المسجون

اسمحوا لنا بعرض القيديو

الجزء الاول



الجزء الثاني





href="http://3.bp.blogspot.com/_0fMWI_rnPyk/RoqcpfKNdII/AAAAAAAAAQs/aLUt5ghPoFI/s1600-h/IMG_0086.JPG"> امن دولة
جميلة اسماعيل تتابع بأهتمام







المستشار محمد الحسيني






والدة احمد مظلوم وزوجة ايمن نور


الصورة كدة احسن


مش قولت لك ربنا فوق الكل



Monday, July 2, 2007

مدونة للدفاع عن الطلاب المعتقلين

مجموعة من زملاء
الطلاب المعتقلين من هندسة عين شمس
أنشئوا مدونة
للدفاع عن الطلاب المعتقلين
ياريت نرفع البنر علي المدونات


Tuesday, June 26, 2007

تأجيل طلب ايمن نور و أحمد مظلوم

في ظل تواجد امني مكثف أمام مجلس الدولة وسيطرة من ضباط امن الدولة علي الدخول من المبني

وتواجد امن مركزي يحيط بالمبني

تم تأجيل نظر الطلب المقدم من ايمن نور ومسجون أخر أسمة احمد مظلوم بالإفراج الطبي لسوء حالتهم الصحية من جلسة 26/6/2007
إلي جلسة الثلاثاء 3/7/2007



أمير بسام المحامي يتكلم عن حالة السجين احمد مظلوم الذي ارتبط طلبة بطلب نور


بدا المستشار محمد الحسيني الجلسة المخصصة لبحث طلب الدكتور ايمن نور بالإفراج المؤقت عنة لظروف صحية




جميلة إسماعيل حضرت هي وأبناء نور
واعترض بشدة علي الربط بين تواجد مراقبين أجانب
و قضية الدكتور ايمن نور

رئيس الجلسة أيضاً رفض طلب احد المحامين بتسجيل اعتراضه علي تواجد مراقبين أجانب وقال أن الجلسة مفتوحة للجميع



بعض المراقبين الأجانب

وفي نهاية الجلسة نكتشف أن قضايا الدولة لم تطعن في قضية مظلوم ولم يتم تقديم تقرير الطبيب الشرعي عن حالة مظلوم
وتم تأجيل القضية بسبب التعسف الحكومي في قضية مظلوم الذي ارتبطن بقضية ايمن


جانب من المتضامنين مع نور


التواجد الأمني






اخوان اون لاين والجبهة الشعبية من نصدق


أحب أن أقول في البداية أن هذا البوست ليس استهزاء باحد إلي جانب أنة أيضاً وهذا بصدق ليس تلكيكه لأحد

من فترة كنت بعمل موضوع .... عن الحرب الإعلامية بين حماس الإخوان المسلمين في فلسطين وحركة فتح

وفي أثناء البحث وجدت شئ غريب بعض الشيء بيان أو بمعني آخر حوار علي موقع إخوان اون لاين
لأحد أعضاء الجبهة الشعبية لتحرير فلسطين_ ذات التوجه اليساري _ أنور رجا الحوار كان عنوانه "الجبهة الشعبية لتحرير فلسطين: حماس أنقذت غزة من حرب أهلية

" http://www.ikhwanonline.com/Article.asp?ArtID=29179&SecID=450
أكد من خلاله عضو الجبهة أن الجبهة تري فيما قامت به حركة حماس وقف لكل الفتن والاقتتال الداخلي يعني موافق

الأمر قد يبدوا عادي للغاية

لكن الغير عادي ما وجدته علي موقع الجبهة الشعبية نفسها
؟
" عملية الحسم العسكري في غزة تقوض النظام الديمقراطي الفلسطيني، والجبهة لن تشارك في حكومة الطوارئ "http://www.pflp.ps/index.php?action=Details&id=1066

و بالتأكيد ما مكتوب علي موقع الحركة غير المكتوب علي موقع الإخوان الرسمي

في الحقيقة

المشكلة كان ممكن تعدي لكن ما جعلني أتكلم في هذا الموضوع احد الأشخاص اعرف انه قريب من الإخوان علي منتدى جامعة حلوان وجدته بيشيد برأي الجبهة وكأنة هو رأيها بالفعل والاغرب ان الجبهة اصدرت عدد من التصريحات تؤكد الرأي المنشور علي الموقع الرسمي لها

وممكن إننا نسال أنفسنا قبل أي شئ الحركات في فلسطين ليها راي وراي تاني ولا ان المواقع صاحبة التوجه التي تقتنع تمام الاقتناع بل وتعلم العاملين فيها ان الأعلامي ليس محايد سؤال النهارده
بل والاهم ان ابناء الحركة الاسلامية او الصحوة الاسلامية

من حقهم انهم يغيبوا اعلاميا
ولا من المفترض ان كل الحقائق تقف امامهم

مين يجاوب
علينا بس ؟؟
؟؟

Friday, June 22, 2007

الرئيس واسماء تعينات الشوري






وبعد انتخابات تزكية كبيرة نجح فيها الحزب الوطني يا وطنطن بحوالي 98 % شاركه في المية مية



الحزب المعارضة القوي حزب التجمع الوطني التقدمي الوحدوي ( توتو ) المصري بنائب دخل إلي المجلس بعد انتخابات حيادية لم نري ولن نري لاننا حتي مشفناش الصناديق إلا من خلال القيديو الي أتسرب والراجل بيحط الورق في سرعة روشة و لان مفيش حد كان بينفعه ونجح حزب ( توتو )


بأعلى نسبة معارضة في الشورى 35% من المرشحين دخل واحد من تلاتة _ بلاش نجح _ وله ألان اكبر كتلة معارضة في الشورى ثلاث نواب

قد لا يبدوا الامر مستغرب علي الكثيرون ان نري أسماء المختارين المحظوظين من أبناء هذا الوطن الشرفاء الشرفاء بس الي مش شرفاء منعرفهمش
الي اختارهم الرئيس المصري الي مقدرش اكلم عنه كلمة لانة في مقام جدي في السن
من الأسماء
السيد / حبيب ابراهيم حبيب العادلى
الدكتور / حسام حسن بدراوى
الدكتور / رفعت محمد السعيد


وعلشان منظلمش الدكتور رفعت فان كل حزب من حقة عضو في الشوري


يعين


السيد / عبدالله كمال السيد
السيد / عبدالمنعم سعيد على عبدالعال
الدكتور / على الدين هلال دسوقى
السيد / مكرم محمد احم
د
الدكتور / يونان لبيب رزق




اية رايكم في الاسماء ناس زي الفل الفل الفل