بجد لو حد شفني الآن هيقول الواد ده مجنون
خالي حبيب قلبي واعز خال من خلاني لي
الي ربناني وبحبة حب ربنا وحده اعلم بية
خالي يسري مات الحمد لله انه متعذبش كتير مع المرض والحمد لله لأنة _ نحسبه علي الله _ انه كان مصلي وقاري للقران
ومع ذلك ماشي عمال اضحك في الشارع
أسد كلمني فقولت بيعزيني
تمام لقيتة بيقول لي
هو أنت كويس
قولت الحمد لله
قالي بس في خبر مش حلو انك أنت الي موت
أنا فعلا موت علي نفسي من الضحك
أنا موت
كنت هموت بقي و أشوف النعي بتاعي يعني مكتوب فيه أية
لقيت الأستاذ وائل عباس كاتب نعي
توفي إلى رحمة الله حسام هندي صاحب مدونة شاويش http://www.shwash. blogspot. comتقبله الله في فسيح جناته حسام كان مدون مجتهد ومصور واعد وكانت له بصمة في تغطية محاكمة أيمن نور وغيرها من الفعاليات لكن لا راد لقضاء الله
وائل عباس
زعت قوي
عارفين لية
انا مش مدون قوي بحب الناس تقول علي صحفي
عارفين إسماعيل يس
لما بيموت ويقوم يقول لا انا عاوز جنازة شكلها كذا
انا بقي زعت قوي من النعي
بس يا مدونين علي العموم
انا هنتقم منكم في صفحة بعملها عن المدونات أن شاء الله في مجلة ستصدر قريبا مش هقول اسمها الآن
بس
هستغلكم فيها يا طاهر أنت ووائل
وعلي فكرة والله مش زعلان لا من طاهر ولا من وائل خالص
والحمد لله ان الواحد طلع مهم
هههههه
وانا عايش الحمد لله ونحمد الرب
خالي حبيب قلبي واعز خال من خلاني لي
الي ربناني وبحبة حب ربنا وحده اعلم بية
خالي يسري مات الحمد لله انه متعذبش كتير مع المرض والحمد لله لأنة _ نحسبه علي الله _ انه كان مصلي وقاري للقران
ومع ذلك ماشي عمال اضحك في الشارع
أسد كلمني فقولت بيعزيني
تمام لقيتة بيقول لي
هو أنت كويس
قولت الحمد لله
قالي بس في خبر مش حلو انك أنت الي موت
أنا فعلا موت علي نفسي من الضحك
أنا موت
كنت هموت بقي و أشوف النعي بتاعي يعني مكتوب فيه أية
لقيت الأستاذ وائل عباس كاتب نعي
توفي إلى رحمة الله حسام هندي صاحب مدونة شاويش http://www.shwash. blogspot. comتقبله الله في فسيح جناته حسام كان مدون مجتهد ومصور واعد وكانت له بصمة في تغطية محاكمة أيمن نور وغيرها من الفعاليات لكن لا راد لقضاء الله
وائل عباس
زعت قوي
عارفين لية
انا مش مدون قوي بحب الناس تقول علي صحفي
عارفين إسماعيل يس
لما بيموت ويقوم يقول لا انا عاوز جنازة شكلها كذا
انا بقي زعت قوي من النعي
بس يا مدونين علي العموم
انا هنتقم منكم في صفحة بعملها عن المدونات أن شاء الله في مجلة ستصدر قريبا مش هقول اسمها الآن
بس
هستغلكم فيها يا طاهر أنت ووائل
وعلي فكرة والله مش زعلان لا من طاهر ولا من وائل خالص
والحمد لله ان الواحد طلع مهم
هههههه
وانا عايش الحمد لله ونحمد الرب
14 comments:
معلش بقى
وكله من صاحبك محمد الطاهر
وبعدين ما تزعلش قوي
صدقني مدون أحسن
ده حتى كلمة صحفي بقت كلمة مشمومة اليومين دول ما تفرحشي بيها قوي
بشرة خير ياحسام
متقلقش
توكل انت علي الله
وانا هعملك زفك متعملتش من قبل ولا من بعد
زفه ولا الزفه اللي اتعملت للفيلالي
متشغلش بالك ياراجل بالتفاهات دي
توكل علي الله
الحمد لله الحمد لله
فاكر إمبارح كنت أنا وإنته وفاروق بنتكلم عن إيه
فالسؤال الأن بدل أن يكون ماذا تفعل لو مبارك مات .
ماذا تفعل لو إنك مت
يلا البقاء لله
والحمد لله جت علي قد كده
انت أسرع واحد يموت و يصحى تاني شفته في حياتي
حمد الله على السلامة يا حس، إوعى تعملها تاني وتموت يا واد.. قلقتنا عليك
أهلا بيك وسطينا تاني، حد يسيب عصر الحريات ويتوكل يا راجل؟
يا عم اتوكل على الله وقل يا رب وانا ليك عليه هعملك اكبر خرجه متعملت لمدون قبلك ولا بعدك بس اتوكل قصدى اتوكل على الله هههههههههههه
احمد الجيزاوى
شكرا على المدونة الرائعة لقد
استمعت تماما بكل كلمة
محمد حسن
أولا تعازي القلبية لك وللأسرة الكريمة على وفاة خالك... ربنا يرحمه ويعزي الأسرة
--------------
بالنسبة بقى لخبر وفاتك وغضبك من النعي
اسمح لي...
بقى يا راجل حد يتمنى يتقال عليه صحفي في الأيام السودا دي؟
دا الواد أحمد بدر لما قال لأمين الشرطة إوعى ما تزقنيش أنا صحفي!! راح لطعه بالقلم وقاله الصحافة دي تحت جزمتنا!! حد يا راجل يتمسح في الصحافة النهاردة؟؟ لكن التدوين إوعى!! يعتقلوك آه بس يكرامتك!! يخطفوك آه بس بكرامتك!! يلفقوا لك قضية آه برضو بس بكرامتك!! عمرك سمعت أمين شرطة قال التدوين دا تحت جزمتنا؟؟
ما يقدروش يا ابني لأنهم عارفين إننا عيال مقطعة البطاقة أصلا وما بنخافش الا من اللي خالقنا (طبعا سيبك م العيال المدونين الملحدين إللي ما بيخافوش حتى ما اللي خالقهم دول قلة منحرفة)... يعني م الآخر احمد ربنا إن وائل كتب في نعيك إنك مدون... قال عايز يكتبوا له صحفي قال... بلا وكسة!! المهم حمد الله ع السلامة من الموت يا زعيم وروح بقى انتقم انتقام الجبابرة من الواد محمد الطاهر
يا شباب المدونين انا مش بنكر اني مدون بس الحكاية حبيت ان الموضوع يتقلب هزار لان واحد حبيبي حسيت انه متاثر جدا
والله مش زعلان وكويس ان الناس الحلوة دول سالوا عني
وعلي العموم زي ما قولت هستغلكم بقي في صفحة المدونات الي هشارك فيها متنسوش
سلام عليكم
البقاء لله.....إنا لله وإنا إليه راجعون.....لا أراكم الله مكروهاً فى سواه
البقاء لله
معلش يا ابنى موتة تفوت ولا حد يموت
حمد الله على سلامتك يا بطل
اول مرة اشوف واحد بيعمل بروفة لموته
على فكرة اللى بيموت دلوقتى الطيبين وبس
والبقاء لله وعقبالى يارب
http://newegyption.blogsome.com/
انا اتفضحت ولا ايه
يا خرابى
انا كدا هفقد مصدقيتى :)
هو إنت أبو يوسف في
#eglug? fel IRC ?
Post a Comment